Kapuso star Reese Tuazon ka-lookalike ni Wonder Woman
REESE TUAZON
Naaliw naman kami sa baguhang si Reese Tuazon, ang kikay na hahabol-habol kay Alden Richards sa Victor Magtanggol.
“Feeling Magtanggol na kasi ako dito dahil super crush ko nga si Victor,” sey ng dating commercial model na isa palang businesswoman na nagpapatakbo siya ng sariling gasoline station.
May dyowa na ang dalaga at mula ito sa angkan ng mga Guingona, “I just wanna try acting. Noon ko pa kasi gustong gawin ito since ang tagal-tagal ko nang nasa advertising and commercial world,” sey pa ng dalaga na may Master’s Degree in Business.
Sa simpleng tanong namin kung sa totoong buhay at nagkataong wala siyang BF ay magugustuhan kaya niya si Alden? “Ay don’t get me wrong ha, pero hindi ko siya type. I mean, hindi siya yung tipo kong lalaki,” sagot ni Reese na hilig pala ang mga moreno at exotic looking guy.
Pero pagkambiyo nito, “But Alden is a very wonderful co-worker. I’ve worked with him na sa Magpakailanman and he was so supportive and kind. At ramdam ko namang mabuti siyang tao at disenteng lalaki.”
Malaki ang hawig ni Reese sa “Wonder Woman” star na si Gal Gadot at kung nagkataon palang may height siyang pam-beauty queen, malamang daw na nag-join na siya noon pa.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.