Mangingisda dakip sa P21.2M cocaine | Bandera

Mangingisda dakip sa P21.2M cocaine

John Roson - June 22, 2018 - 08:17 PM

ARESTADO ang isang mangingisda nang makuhaan ng P21.2 milyon halaga ng cocaine sa buybust operation sa Infanta, Quezon, Biyernes ng umaga.

Nadakip si Aldrin Taharan, 48, tubong Nagcarlan, Laguna, at kasalukyang nakatira sa Brgy. Dinahican, Infanta, sabi ni Chief Supt. Edward Carranza, direktor ng Calabarzon regional police.

Isinagawa ng mga pulis mula Cavite, Regional Special Operations Unit, Regional Drug Enforcement Unit, at Infanta ang operasyon sa Dinahican.

Nakuhaan si Taharan ng apat na cocaine bricks na aabot sa 1 kilo ang bigat kada isa.

“Accordingly, the suspect is selling the substance in small portions or ‘tingi-tingi,’ and asks his customers to endorse him to other buyers, especially foreign nationals,” ani Carranza.

Isinagawa ang operasyon isang linggo lang matapos madakip sa Cavite ang isang lalaki na nagsisilbi diumanong courier ng cocaine at mga “party drugs” sa Cavite at Metro Manila.

Noon namang Abril, matatandaang magkakasunod na nakarekober ng mga container na may mahigit P170 milyon halaga ng cocaine, sa iba-ibang bahagi ng dagat na sakop ng Quezon.

Pareho ang tatak ng cocaine bricks na nakumpiska kay Taharan sa ilan sa mga nakuhang palutang-lutang sa dagat sa Quezon.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

No tags found for this post.
Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.

What's trending