Kris: feeling ko dapat lang akong mag-sorry kay Luis dahil nag-team Angel ako!

FEELING ni Kris Aquino kailangan niyang mag-sorry kay Luis Manzano matapos umaming si Angel Locsin ang kinampihan niya noong maghiwalay ang ex-couple.

Ayon sa Queen of Social Media, Team Angel siya noong kasagsagan ng issue tungkol sa break up ng aktres at ni Luis noong 2016.

Aniya, bilang babae, ramdam niya ang pain ng aktres at feeling niya siya ang naging tulay sa part 2 ng love story ng dating magdyowa.

Naalala pa nga ni Kris na willing siyang maging ninang sa kasal nina Angel at Luis.

Sa nakaraang presscon ng “I Love You, Hater” si-nabi ni Tetay na na-realize niya na laging may dalawang version sa isang love story kaya kailangan niyang mag-sorry kay Luis.

“I owe Luis an apology, kasi nag-Team Angel ako. Luis made me realize that in every love story, there is his version and her version, and both can be happy with other people, and in a better place with other people,” pahayag ni Kris.

Dugtong pa niya, “Ang gusto ko is both of them did not make me choose kung sino lang ipi-
friend ko, so I’m so grateful to them.”

May kanya-kanya nang lovelife ngayon ang dating magkarelasyon, may Neil Arce na si Angel at may Jessy Mendiola na si Luis at mukhang sa kasalan na nga mauuwi ang kanilang pagmamahalan.