ILANG araw bago ang pagsisimula ng School Year 2018-19, nananatiling malaki ang kakulangan ng mga guro sa pampublikong paaralan.
Ayon kay ACT Rep. Antonio Tinio para sa school year na ito ay humingi ang Department of Education ng dagdag na 81,100 teaching items pero ang ibinigay lamang ng Department of Budget and Management ay 75,242 bagong posisyon.
Wala umanong bagong teaching posisyon para sa Special Education na nangangailangan ng 1,944.
Upang matugunan ang mga pangangailangan ng national government, mayroon umanong mga local government units na kumukuha ng contractual teachers at pinasusuweldo sa ilalim ng Local School Board fund.
“However, even if all of the proposed positions were granted and filled in addition to the 687,229 public school teachers nationwide in 2017, our staffing condition will still be far from the ideal,” ani Tinio.
Batay sa 2016 United Nations Human Development Report, ang Pilipinas ay may primary school teacher-pupil ratio na 1:31, malayo sa 1:11 ng Malaysia, 1:15 ng Thailand, 1:17 ng Indonesia, 1:19 ng Vietnam, at 1:28 ng Myanmar.
“In short, if we are to be at par with the standards of our neighboring countries’ teacher-pupil ratios, we have to double the number of teaching items created and teachers hired.”
Sinabi naman ni ACT Rep. France Castro na kulang din ang mga support staff sa mga pampublikong paaralan.
“Citing 2017 DepEd data, she revealed that with 687,229 teachers and 38,284 non-teaching personnel and support staff, there is just one person to support 18 teachers in all the operations of public schools nationwide.”
Inaasahan ng DepEd ang pagpasok ng 27 milyong estudyante ngayong school year.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.