Joshua, Julia pinakilig ang madlang pipol sa IG video ni Kris
JULIA BARRETTO AT JOSHUA GARCIA
TULUY-TULOY pa rin ang shooting ng comeback movie ni Kris Aquino na “I Love You Hater” under Star Cinema, kasama ang promising loveteam nina Joshua Garcia at Julia Barretto.
Sa July 11 na ang showing ng pelikula kaya kailangang makaabot ito sa deadline. Sa kanyang Instagram account, nag-post ang Social Media Queen ng isang video na kuha habang nagpapahinga sa set ng kanilang movie.
Mukhang may konek sa Pasko ang kinukunang mga eksena dahil may pa-Christmas Tree at pa-gifts ang set. At siguradong kinilig ang JoshLia fans sa extra sweetness nina Joshua at Julia dahil kitang-kita sa video kung paano lambingin ng binata ang kanyang girlfriend.
Siguradong super kinikilig din si Kris sa paglalambingan ng magka-loveteam. Sabi nga niya sa kanyang caption: “Haayyyy…#younglove.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.