Lee Min Ho 12 years na sa showbiz; sa 2019 pa lalabas ng military
KOREAN word for the day: Noona – “older sister”. Ginagamit ito ng mga lalaki, kadugo man o hindi kung nakikipag-usap o binabanggit ang mas matanda sa kanya na babae.
Kadalasan din na nagiging sentro ng atensyon ang noona ng mga mas bata sa kanyang mga lalaki.
q q q
Nagdiwang kamakailan ang Korean superstar na si Lee Min Ho ng kanyang ika-12 anibersaryo sa showbiz.
Sa isang post sa kanyang Instagram na @actorleeminho noong Mayo 10, ibinahagi ni Min Ho ang mga litrato na kuha sa naganap na celebration sa kanyang 12th anniversary sa entertainment industry.
“12th anniversary. Thanks for everything,” caption ni Min Ho sa kanyang IG post.
Makikita sa mga litrato ang mga cake at bulaklak na ibinigay sa Korean heartthrob.
Nagsimula si Min Ho noong Mayo 10, 2006 sa Korean drama na Secret Campus. Nakilala rin siya sa iba’t ibang Korean series kagaya ng Boys Over Flowers, Heirs, at ang pinakahuli ay ang The Legend Of The Blue Sea kung saan ipinalabas pa sa ABS-CBN kamakailan.
Nasa military ngayon si Min Ho matapos mag-enlist noong Mayo 12, 2017. Nakatakda siyang ma-discharge sa Mayo, 2019.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.