Kris tinawag na fake, user si James: Kung di siya nagpakaplastik, wala akong reaksyon!

ISANG simpleng birthday greetings lang ni James Yap kay Bimby ay todo atungal na si Kris Aquino sa kanyang social media account.

Kung anu-anong hanash ang pinagsasabi niya at pinalabas niyang masama sa netizens ang father ni Bimby.

Patas na raw sila ni James ngayon dahil wala na sila sa kapangyarihan at hindi na rin daw siya pwedeng ma-accuse ng power tripping.

Aria pa ni Kris, “Ay oo nga pala, of course pinag aksayahan mo sya ng panahon 5 years ago- kasi nasa Malacañang pa ang Tito nya. Nung tinanong ka bakit hindi ka na nag share sa tuition ni Bimb ang ‘excuse’ mo dahil hindi ka na consult nung ililipat sya ng school.

“So bakit nga ba hindi kayo nagkikita? Ganito ka simple- wala ka nang pakinabang kay Bimb. Wala na kasi kaming ‘power’ so bakit ka pa didikit? Madali kung gusto mo.

“I am ready to be bashed for washing our dirty laundry (of course w/ Ariel Antibac w/ the power of Safeguard) on IG BUT this mother has had it w/ half truths & hypocrisy & she needed to make a stand for truth.”

That was Kris’ hanash na ikinaloka ng netizens. Obviously, hindi pa rin siya nakaka-move on sa galit niya kay James.

She is still living in sadness habang si James ay super happy sa piling ng dyowa niyang si Michela Cazzola at anak nilang si Michael James.

Sa pakikipagsagutan naman niya sa mga netizens tinawag din ni Kris na ipokrito, manggagamit at fake ang ex-husband.

According to one netizen ibang-iba na raw si Kris ngayon, mas naging palaban na raw ito against her ex. Sagot naman ni Kris, “Actually this has always been Kris… but now she realize she was done playing nice w/ an abusive hypocrite.”

Another one told Kris na “i-let go na lang” ang isyu for her son’s sake dahil ito ang nalalagay sa kahihiyan, and her reply was, “Because he’s a user who has gotten away w/ playing the goody2 for too long. Kung di sya nagpaka plastic sa post nya, eh di wala akong reaction.”