‘Toga fan’ nabigyan ng graduation gift sa PH concert ni Katy Perry
BEST graduation gift ever!
Siguradong ‘yan ang feeling ng isang male fan ng international singer na si Katy Perry na nabigyan ng chance para mayakap at makausap nang malapitan ang kanyang idol.
Sa libu-libong nanonood ng Manila leg ng “Katy Perry’s Witness Tour” kamakailan sa MOA Arena ay nakuha ng certified “Katycat” na si Josh Madrid ang atensyon ni Katy at inimbita siyang samahan siya sa stage habang nagpe-perform ito.
Na-curious si Katy kay Josh dahil nakasuot pa nga ito ng graduation toga. Of course, abot-langit ang katuwaan ng binata nang makita up close and personal and on stage ang kanyang idolo.
Tinuruan pa ni Josh si Katy ng ilang Tagalog words na ikinakilig ng lahat ng nanonood sa MOA Arena.
Bukod sa sandamakmak na selfie kasama si Katy, ilang beses ding nabigyan ng chance si Josh na mayakap nang mahigpit ang idolong singer.
Kahapon nagmartsa si Josh para sa kanilang graduation rites sa kursong Bachelor of Science in Information Technology mula sa Universidad de Manila.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.