KathNiel sinulit ang vacay sa US, super enjoy sa wine tasting tour
SINULIT nina Kathryn Bernardo at Daniel Padilla ang kanilang Holy Week break. Umikot sa magagandang lugar sa Amerika ang dalawa para makapag-bonding nang bonggang-bongga.
Ito’y kasabay na rin ng 22nd birthday celebration ng tinaguriang Queen of Hearts kasama si DJ at ang kanyang pamilya at ilang malalapit na kaibigan.
Sa kanilang Instagram accounts ni Daniel makikita ang mga litrato na kuha sa mga lugar na binisita nila sa US kabilang na ang California kung saan na-experience nila ang wine-tasting tour sa Napa Valley.
Nagkaroon din ng intimate birthday dinner si Kathryn with Daniel and her family at nag-bonding din sila sa Las Vegas, Nevada. Memorable ang kanyang kaarawan sa US para kay Kath dahil napakarami niyang new experience and learnings sa kanilang bakasyon.
Pagbalik ng KathNiel sa Pilipinas ay balik-trabaho na agad sila. Magsisimula na kasi silang mag-shooting para sa kanilang bagong pelikula na ididirek ni Cathy Garcia Molina.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.