PNP magpapakalat ng mas maraming pulis ngayong Holy Week
MAGPAPAKALAT ang Philippine National Police ng mas maraming pulis para matiyak ang seguridad ng mga magbabakasyoon ngayong Holy Week, ayon kay PNP chief Dir. Gen. Ronald “Bato” dela Rosa.
Idinagdag ni dela Rosa na ito’y bahagi ng 90-araw na “Ligtas Summer Vacation (Sumvac) 2018” na nakatakdang ilunsad ngayong Biyernes.
“There have been no validated reports of terrorist threats in Metro Manila while security forces and the intelligence network are continuously monitoring and doing their jobs,” sabi ni dela Rosa.
Sinabi ni dela Rosa na magtatayo ng Oplan Bantay-Lakbay Police Assistance Centers ang Highway Patrol Group (HPG), sa pakikipag-ugnayan sa mga lokal na pulis, sa kahabaan ng Maharlika Highway, mga national road at mga pangunahing lansangan.
Pangungunahan ng National Capital Region Police Office (NCRPO) ang Oplan Bantay-Lakbay, sa pakikipag-ugnayan sa Metro Manila Development Authority (MMDA) at iba pang ahensiya ng gobyerno.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.