1 patay, 1 pa sugatan sa road-rage shooting sa Lucena City | Bandera

1 patay, 1 pa sugatan sa road-rage shooting sa Lucena City

|March 04,2018
facebook
share this

1 patay, 1 pa sugatan sa road-rage shooting sa Lucena City

- March 04, 2018 - 06:31 PM

PATAY ang isang lasing na tricycle driver, samantalang sugatan naman ang kanyang pasahero matapos ang nangyaring road rage shooting incident sa Lucena City bago magmadaling araw.

Base sa ulat mula sa Quezon police kapwa lasing ang mga biktimang sina Diego Amante, 48, at Ruben Culinares, 39, nang gumala sa lungsod sakay ng isang tricycle ganap alas-12:50 ng umaga.

Nairita umano si Amante sa nakakasilaw na headlight ng motorsiklong nasa likod nila.

Kinumpronta umano ni Amante  ang hindi pa nakikilalang sakay ng motorsiklo na dedma lamang sa kahilingan nitong patayin ang kanyang headlight.

Kinalaunan, itinulak umano ni Amante ang motorsiklo dahilan para bumagsak ito sa semento. 

Pinaandar ni Amante ang tricycle at umalis siya kasama si Culinares.

Armado pala ang driver ng motorsiklo at pinagbabaril ang mga biktima, kung saan tinamaan si Armante sa dibdib at sa kaliwang tiyan naman si Culinares.

Dead on the spot si Amante, samantalng isinugod naman si Culinares sa Quezon Medical Center.

Iniimbestigahan na ang insidente na kung saan hindi pa nakikilala ang salarin. 

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending