Ikinumpara ni dating Pangulong Gloria Macapagal Arroyo ang kanyang naranasan sa mga nangyari kay Sen. Leila de Lima na nahaharap sa illegal drugs case.
Sa pagdinig ng impeachment complaint laban kay Supreme Court Chief Justice Maria Lourdes Sereno kahapon, sinabi ni Arroyo na naglabas ng warrant of arrest ang Pasay City court laban sa kanya dalawang oras matapos maisampa ng electoral sabotage case.
At kahit na walang utos ng korte, pinigilan umano siyang makaalis ng bansa noong Nobyembre 15, 2011 ng Bureau of Immigration sa Ninoy Aquino International Airport na nasa ilalim ni de Lima na noon ay kalihim ng Department of Justice.
“I was not arrested in the airport. I was stopped from leaving the airport in spite of the fact that the SC has said that I was allowed to leave because there was no case filed against me yet,” ani Arroyo.
Makalipas ang ilang araw ay nagsampa ng electoral sabotage case laban kay Arroyo.
“Because I could not leave to go to the hospital in Singapore, I had to check in to St. Luke’s [Medical Center – Taguig City]. I was arrested in St. Luke’s, about two hours after the information was filed,” dagdag pa ni Arroyo.
Pinag-uusapan sa komite ang alegasyon na tinangka umano ni Sereno na pigilan ang Muntinlupa Courts na magpalabas ng warrant of arrest laban kay de Lima.
Ginamit naman itong basehan ni Sagip Rep. Rodante Marcoleta sa kanyang pagtatanong kung bakit natagalan sina Muntinlupa City Regional Trial Court Branch 205 Judge Amelia Fabros-Corpuz at Branch 206 Judge Patria Manalastas-de Leon na maglabas ng warrant of arrest.
“That did not inspire you, Judge Corpuz, Judge de Leon? Here’s a former president of the country, being served a warrant of arrest two hours after the filing of the case,” ani Marcoleta. “In your case, simply because the accused is so, I would say, diligent in filing one motion after the other, utilizing every dilatory tactics available in this country, so you defer the issuance of a warrant of arrest which is a ministerial duty…. That gives us a fertile idea that there is some basis for this allegation.”
Itinanggi nina Corpuz at de Leon na tinawagan sila ni Sereno upang huwag magpalabas ng warrant of arrest laban sa senadora.
Hindi naman nakadalo sa pagdinig si Branch 204 Judge Juanita Guerrero na nagpalabas ng arrest warrant laban kay de Lima.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.