Aktor na ‘nakatikiman’ ni Mark kilalang-kilala ng taga-showbiz

NAGKAINTERES bigla ang sambayanan sa libro ng singer na si Mark Bautista dahil sa isang chapter nito tungkol sa pag-amin niya ng intimate encounter sa isang kaibigang lalaki.

‘Yung pagtatapat niyang ‘yon ay nanggulat sa kamalayan ng ilan sa showbiz na panay ang hula kung sino ang aktor at girlfriend nito dahil blind item ang drama ni Mark.

Sa taga-showbiz, alam nila kung sino ang dalawang characters na binanggit ni Mark. Pero mas pinili ng singer na wag nang pangalanan ang dalawa. Tama lang naman ang desisyon niyang maging blind item ‘yon dahil luma na nga ito.

Nasentro nga lang sa sexual encounter ni Mark ang laman ng book. Hindi nila binigyang-halaga ang mga pinagdaanan niya bago nagkapangalan bilang singer. Tutal naman, isang chapter lang sa buhay niya ang sexual encounter na ‘yon kumpara sa hirap niya bago magkaroon ng pangalan sa music industry.

May mga bumilib naman sa katapangan ilabas ni Mark ang tunay na saloobin! Pero sa Feb. 14, makikibalita kami sa reception ng tao sa kanyang Valentine show with Joana Ampil.