Mga Laro Ngayon
(San Juan Arena)
8 a.m. UST vs UE (men’s)
10 a.m. ADMU vs NU (men’s)
2 p.m. UST vs UE (women’s)
4 p.m. ADMU vs NU (women’s)
PUNTIRYA ng National University na makuha ang ikalawang sunod na panalo sa pagsagupa nito sa Ateneo sa 80th UAAP women’s volleyball tournament ngayon sa San Juan Arena.
Tinalo ng NU ang Adamson sa una nitong laro, 25-15, 25-23, 16-25, at 25-13 habang natisod naman ng Far Eastern University ang Ateneo, 19-25, 25-21, 18-25, 25-20, 15-9, nitong weekend.
Nanalo rin ang men’s team ng NU nitong weekend kontra Adamson, 25-23, 25-19 at 25-20 at target din nito ang 2-0 kartada laban sa Ateneo.
Una munang magsasagupa sa men’s division ganap na alas-8 ng umaga ang University of Santo Tomas na asam din ang ikalawang sunod na panalo at University of the East na nabigo naman sa una nitong laro.
Nanalo ang UST kontra De La Salle University , 25-21, 25-16, 15-25, 23-25 at 16-14 habang natalo naman ang UE laban sa University of the Philippines sa straight sets, 25-22, 25-15 at 25-13.
—Angelito Oredo
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.