Mega, Robin may pinatunayan kay Gabby; reunion movie hataw
SHARON CUNETA AT ROBIN PADILLA
TAGUMPAY ang pagbabalik-tambalan nina Robin Padilla at Sharon Cuneta. Aliw na aliw ang mga kaibigan naming nanood ng kanilang pelikula.
Napansin din ng aming kaibigan, “Ang laki-laki ng ipinayat ni Sharon, sa totoo lang! May kaliitan na ang mga braso niya ngayon, unlike a few months ago na namumutok ‘yun sa laki!
“Hindi naman puwedeng doktorin ang mga eksena niya at ang mga scenes nila ni Robin, napakarami nu’n, napakalaking trabaho sa production kung iku-cure ang katawan ni Sharon!” papuri sa Megastar nitong sabi.
Nandu’n pa rin daw ang may pagka-OA na pag-arte ni Binoe, ‘yung tatak-Robin Padilla talaga, pero bumagay naman sa action star.
Si Gabby Concepcion dapat ang makakapareha ni Sharon sa kanyang pagbabalik sa paggawa ng proyekto sa Star Cinema, pero biglang nagbago ang mga plano, balitang napakalaki ng hinihinging talent fee ng ama ni KC Concepcion.
Kahit kailan naman ay sigurista si Gabby, iniisip siguro nito na paano na ang kanyang career kapag nag-flop ang kanilang balik-tambalan ni Sharon, malaki ang magiging epekto nu’n sa kanya.
Kaso ay nabaligtad ang senaryo, tagumpay ang pagsasama uli nina Robin at Sharon, lihim sigurong nanghihinayang ngayon si Gabby.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.