Suspek sa P6.4B shabu shipment nagtangkang umalis ng PH
HINDI pinayagang makalabas ng bansa ang isa sa mga suspek sa P6.4 bilyon halaga ng shabu na nakapasok sa bansa matapos na magtangkang umalis sa Pilipinas kaninang umaga.
Sinabi ng Bureau of Immigration na naharang si Richard Tan, alyas “Chen Ju Long,” habang papasakay ng isang China Eastern Airlines flight papuntang Shanghai.
Ani BI spokesperson Antonette Mangrobang, nangyari ang insidente ganap na alas-3 ng umaga ng Huwebes sa Clark International Airport.
“He was trying to board a China Eastern Airlines flight number MU 5046 for Shanghai Pudong International Airport,” sabi ni Mangrobang.
Kabilang si Tan sa immigration lookout bulletin order na inilabas ni Justice Secretary Vitaliano Aguirre II sa harap nng kanya umanong pagkakasangkot sa P 6.4 bilyong halaga ng shabu na nakalusot sa Bureau of Customs.
“His departure was deferred and he was advised to secure an allow departure order from the Department of Justice,” dagdag ni Mangrobang.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.