OWWA tutulong sa mga OFWs sa Marawi

MAGPAPADALA ng team ang Overseas Worker and Welfare Administration (OWWA)  para matulungan ang mga overseas Filipino worker (OFW) na apektado ng kaguluhan sa Marawi City.

Nakipag-ugnayan  sa lokal na pamahalaan ang Team para malaman kung ilan ang bilang ng OFW na miyembro ng  OWWA sa naturang lugar para matulungan sila sa kanilang pangangailangan.

Ito ay dahil sa patuloy na air strike ng militar laban sa Maute group kung saan ang mga residente ng Marawi City ay nilisan ang kanilang bahay at kanilang ikabubuhay handa silang bigyan ng ayudang pinansyal ng OWWA.

Sa Database ng ahensiya may kabuoang 1,418 rehistradong miyembrong OFW na aktibo at hindi na taga Marawi City.
Naglaan ng 2.7 milyong piso sa ilalim ng OWWA’s Welfare Assistance Program (WAP) nito  ang ahensya kung saan ang aktibong miyembro ay makakatanggap ng P3,000 bawat isa at ang hindi namang aktibo P1,500.

Sa mga claimant at mag-aavail ng programa mangyaring makipag-ugnayan sa Regional Welfare Office no. 10 para sa kinakailangang dokumento kung saan maaring tumawag sa 88-area coed 8578511 at 0917 548 0033.

Administrator Hans Leo Cacdac
OWWA

May nais ba kayong isangguni sa Aksyon Line?   Maaari kayong sumulat sa aming tanggapan Aksyon Line c/o Inquirer Bandera, MRP bldg., Mola st. cor. Pasong Tirad st., Makati City  o kaya ay mag-email  sa  [email protected] or jenniferbilog97@ gmail.com.
Hangad ng Aksyon Line na buong puso namin kayong mapaglingkuran  sa abot ng  aming makakaya.

Ang inyo pong lingkod ay maaari rin mapakinggan sa Radyo Inquirer DZIQ  990AM sa  Programang Let’s Talk;  Mag-usap Tayo, tuwing Lunes, Miyerkules at Biyernes, alas-7  hanggang alas-8 ng gabi; at Isyu ng  Bayan tuwing  Linggo, alas-8 hanggang alas-10 ng umaga. Maaari rin po ninyo na matunghayan o mapanood sa pamamagitan ng live streaming www.ustream.tv/channel/dziq.