Pia Wurtzbach pinalakpakan at tinilian sa Miss U ‘final walk’

KAHIT maraming na-disappoint na Pinoy sa naging sagot ni Bb. Pilipinas Universe Maxine Medina sa question and answer portion ng 65th Miss Universe kahapon sa MOA Arena.

Umabot hanggang sa Top 6 si Maxine at nalaglag na pagdating ng Top 3 kaya ang inaasam na back-to-back win ng Pilipinas sa Miss Universe ay naglaho nang parang bula.

Ayon sa ilang netizens, sablay ang dalaga sa naging sagot niya sa tanong ni Steve Harvey. Ang tanong kay Maxine ay, “What is the most significant change you seen in the world in the last 10 years?” na sinagot niya ng, “Of the last 10 years of being here in the world is that I saw all the people bringing in one event like this in Miss Universe and it’s something big to us. We are one as one nation we are all together.”

Pero kahit na may mga nangnenega sa bet ng Pilipinas, naniniwala si Maxine na ginawa niya ang lahat para maging proud sa kanya ang buong sambayanang Pilipino. Kuntento raw siya sa naging performance niya sa grand coronation.

Sa panayam ng GMA News kay Maxine pagkatapos ng pageant, happy na siyang nakaabot sa Top 6 dahil magagaling din naman ang kanyang mga nakatunggali. Aniya pa, talagang napakahirap makakuha ng back-to-back win sa Miss Universe. Ang kinoronahang Miss U 2016 ay si Miss France Iris Mittenaere.

Samantala, proud na proud din kay Maxine ang kanyang pamilya kahit hindi siya umabot sa Top 3.
Ayon kay Mrs. Marife Medina, ang pumasok pa lang sa Top 13 ay isa nang malaking achievement para sa kanyang anak. Imagine, sa 86 candidates daw from all over the universe ay pasok pa sa Top 6 si Maxine.

“It was good enough. She did her best. We all know it. Given na ‘yung contestants also, nakita mo naman sila, talagang ang gaganda nilang lahat,” sey ng ginang sa panayam ng ABS-CBN News.

Sey naman ng kanyang kapatid na si Ferica, “Happy pa rin, kasi na-represent niya ‘yung country natin ng maayos and nakita niyo ‘yung effort na ginawa niya, nagbunga naman lahat. It was a well-fought journey.”

Ang plano naman ng pamilya kapag nagkasama-sama na uli sila ni Maxine, “We’ll just have a small bonding with Maxine. Kakain kami and then party tonight,” sey ni Mrs. Medina.

Dugtong pa nito patungkol sa sagot ni Maxine sa Q&A portion, “What Maxine said a while ago, may unity siyang naramdaman. United ang mga Pilipino. Doon niya na-feel na mahal siya ng sambayanan.

To all of Maxine’s supporters, thank you so much for the prayers and support that you’ve given my daughter. Maraming maraming salamat.”

q q q

In fairness, hanggang sa huli ay agaw-eksena pa rin si Miss Universe 2015 Pia Wurtzbach. Talagang tilian at palakpakan ang lahat ng nasa MOA Arena during her final walk.

“Being Miss Universe has offered me tremendous opportunities to draw attention to the issues close to my heart such as bullying and HIV awareness.

“On top of my thank you list is my mother, I am the woman I am because of the woman you are. To my sister Sarah, you are my rock. Paula (Shugart), Esther Swan and to the rest of my MUO team, you are family to me. To my Miss Universe sisters I’ll see you again soon, to the worldwide Pianatics salamat.

To the next Miss Universe, fasten your seatbelt at the end of your reign you will have grown confidence, maturity and faith.

“For me the title was a dream come true but the work continues. Kababayan, maraming salamat po mahal ko kayo thank you for everything,” ayon pa kay Pia na mala-dyosa pa rin sa kanyang blue gown.

q q q

Ipinasa ni Pia Wurtzbach ang Miss Universe crown kay Iris Mittenaere ng France, isang Dentistry student. Sina Miss Colombia Andrea Tovar at Miss Haiti Raquel Pélissier naman ang second at first runners up respectively.

Narito naman ang tanong at sagot ni Miss France sa huling bahagi ng laban: “Name something over the course of your life that you failed at and tell us what you learned from that experience.”

“I failed several times in my life so I thought that I’ve failed the first time that I tried on the castings because my name wasn’t on the list and the very next day I found the new book.

“When you fail, you have to be elevated and you have to try again and keep going. If tonight I’m not one of the winners I will still have the great honor of winning the (top) 3 finalists,” sey ni Miss France.