JED SALANG ‘NINAKAW’ na ang lahat kay AI AI, comedy queen wasak na wasak na | Bandera

JED SALANG ‘NINAKAW’ na ang lahat kay AI AI, comedy queen wasak na wasak na

Cristy Fermin - May 29, 2013 - 06:46 AM

Matatagalan pa bago makabawi sa sobrang pagkabigo

Pilit na winawasak ng mga taong walang magawa sa buhay ang imahe ng Comedy Concert Queen na si Ai Ai delas Alas. Maraming nakikisawsaw sa isyu ng paghihiwalay nila ng businessman na si Jed Salang.

Dahil nga hindi makalantad ang lalaki para maipagtanggol ang kanyang sarili ay parang nagkasundo-sundo naman ang kanyang mga kaibigan na ipaglaban siya.

Pero sa daloy ng kanilang paghihiganti kay Ai Ai ay kabaligtaran naman ang nangyayari, lalo lang nagagalit sa kanilang kampo ang ating mga kababayan, dahil puro matitinding paninira kay Ai Ai ang laman ng kanilang pagtatanggol kay Jed Salang.

Tama bang palutangin ng grupong ‘yun na isang sex addict ang komedyana?

Napakahilig daw sa sex ni Ai Ai, talagang ikinukulong pa raw ng aktres sa banyo ang kanyang ex, magkaniig lang sila kahit ayaw ng lalaki.

Sabi pa ng ibang kakampi ni Jed ay sobrang selosa raw si Ai Ai, kapag nagseselos daw ang Comedy Concert Queen ay wala itong pinipiling lugar, inaaway-away raw ni Ai Ai ang lalaki at ang tanging makapagpapakalma lang sa aktres ay ang paglalambingan nila sa kama ng kanyang asawa.

Sabi naman ng isang tagapantanggol ni Ai Ai, “Wala na silang magagawa pang paninira ngayon.

Sirang-sira na si Ai Ai nu’n pa man dahil sa mga ginawa ni Jed.

Matatagalan pa bago mabuo uli ni Ai Ai ang pagkatao niya, ninakaw na halos ni Jed ang lahat-lahat sa kanya.”

Matatagalan pa bago matuldukan ang kontrobersiyang ito.

At hanggang salita pa rin nang salita ang kampo ni Jed Salang ay asahan nang hindi rin hihinto sa pagtatanggol ang mga kaibigan ni Ai Ai.

At kung matatagalan pa bago makabalikwas ang Comedy Concert Queen mula sa masakit na karanasang ito ay bibilang din nang maraming taon si Jed Salang bago makalimutan ng publiko ang kinapalooban niyang magulong pakikipagrelasyon kay Ai Ai delas Alas.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Si Jed Salang pala dapat ang host ng isang TV show sa TV5 na Wasak! ‘Yun na!

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

No tags found for this post.
Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.

What's trending