Du30 kuntento sa paghahanda para sa Pista Ng Itim Na Nazareno
SINABI ng Palasyo na nasisiyahan si Pangulong Rodrigo Duterte sa paghahandang isinasagawa ng Philippine National Police (PNP) at Armed Forces of the Philippines (AFP) para matiyak ang seguridad ng mga deboto na lalahok sa Pista Ng Itim Na Nazareno ngayong araw sa harap naman ng banta ng terorismo.
Sa isang panayam, idinagdag ni Communications Assistant Secretary Ana Maria Banaag na naniniwala si Duterte na ginagawa ng PNP at AFP ang lahat para masiguro ang matahimik na Translacion.
“Well, yes, the President naman is satisfied and he knows na if there is something that worries him it would be the threat of the retaliation from terrorist groups,” sabi ni Banaag.
Idinagdag ni Banag na batid ng mga otoridad na magiging masama ang epekto sakaling may makalusot ngang terorista sa gagawing pagdiriwang ng Itim Na Nazareno.
“We would not pray that it would happen, it could happen. It could not be a good precedent to any other big activities in Metro Manila or any other part in the country. Kaya somehow, he knows that the PNP, the AFP is doing their best, LGUs are doing their best to make sure that any threat, any attempt of untoward incident would not push through,” paliwanag pa ni Banaag.
Sinabi pa ni Banaag na handa-handa na ang puwersa ng PNP at AFP para sa gagawing Translacion.
“You know hindi naman tayo Diyos para lahat ay covered natin o kaya natin protektahan. Iyong gagawin lahat hindi lang best efforts but to truly work on keeping our kababayans safe during the procession if something of important,” sabi pa ni Banaag.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.