Fashion style ng epal na female personality nilait, sobrang baduy

AYAW tantanan ng mga basher ang isang female personality na parang nakatira na yata sa harapan ng kanyang gadget para makisawsaw sa maraming isyu ng ating lipunan.

Sa kahit anong isyu na lang ay siguradong may nakahandang sasabihin ang babaeng personalidad.

Maraming nagsasabi na sa halip na makialam ay asikasuhin niya na lang ang kanyang career kung meron pa at ang kanyang sarili. Palaging pinapansin ang hindi kagandahang pananamit ng female personality.

Sabi ng isang miron, “Instead na makisawsaw siya sa mga isyung pampulitika, e, bakit hindi na lang niya gamitin ang panahon sa pakikipag-usap sa mga designers para naman maging maayos ang pananamit niya?

“She’s so baduy! Sobrang baduy ang babaeng ‘yun! Kapag magkakatabi sila sa pagho-host ng mga kaibigan niya, e, nagmumukha siyang ewan! Mukha siyang dyulalay, sa totoo lang!

“Nagpapakalalim siya, e, hindi naman talaga siya malalim, makisali ba sa kung anu-anong issue na hindi naman makatutulong sa career niya?” inis na komento ng aming source.

Nu’ng minsang dumalo sa isang awards night ang girl ay nagbubulungan ang mga nandu’n. Baduy na baduy kasi siyang gumayak, hindi magkaka-match ang kanyang suot, lalo tuloy naisip ng mga ito na sana’y asikasuhin na lang ng female personality ang kanyang sarili bago ang kung anuman.

“Nakakalokah ang babaeng ‘’yun, ang dami-dami niyang kuda, samantalang ni hindi nga niya alam kung ano ang tamang gown na isusuot niya sa isang okasyon?

“Hindi kaya siya pinagpapayuhan ng husband niya o baka naman pareho lang silang palasawsaw sa mga issue ng ating bayan? Naku, hindi naman siya ganyan kapalasawsaw nu’ng magkarelasyon pa sila ng isang hunk actor, a!

“Mahuhulaan n’yo kaya kung sino ang babaeng ito, Bradly Guevarra at Tita Nene Ulanday? Patirahin n’yo na lang kaya siya sa isang malaking bahay?” pagtatapos ng aming impormante.