Senado hindi ipapatupad ang dismissal order laban kay Villanueva
HINDI ipapatupad ng Senado ang ang dismissal order na ipalabas ng Office of the Ombudsman laban kay Sen. Joel Villanueva kaugnay ng kaso hinggil sa umano’y maanomalyang paggamit ng P10 milyong pork barrel funds ng siya ay dating miyembro ng Kamara.
Inihayag ng Senado ang desisyon nito, kung saan binanggit nito ang inilabas na opinyon ng legal counsel ng Mataas na Kapulungan na hindi nito dapat ipatupad ang dismissal order dahil walang hurisdiksyon ang Ombudsman sa mga miyembro ng Kongreso.
Nagmosyon si Senate Majority Leader Vicente “Tito” Sotto III na aprubahan ng Senado ang ipinalabas na opinyon ng Senate legal counsel na si Maria Valentina Cruz laban sa dismissal order.
“After a careful and meticulous study on the arguments and accompanying recommendations rendered by the Senate legal counsel, as the chair of the committee on rules, may I move that the august chamber adopt the opinion and recommendations by the Senate legal office in its entirety,” sabi ni Sotto.
Walang kumontra sa mosyon ni Sotto.
“Any objection? There being none, the motion is approved,” sabi ni Senate President Koko Pimentel.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.