Isang mananaya sa Northern Samar ang nanalo ng P6 milyon sa bola ng Lotto 6/42 noong Martes ng gabi.
Ayon kay Alexander Balutan, general manager ng Philippine Charity Sweepstakes Office, isa lang ang tumaya sa winning number combination na 11-07-12-36-06-42.
Ang nanalo ang pumili ng mga numerong lumabas ayon sa rekord ng PCSO. Mayroon siyang isang taon para kunin ang kanyang premyo sa main office ng ahensya.
Nanalo naman ng tig-P24,000 ang 26 mananaya na nakakuha ng limang numero. Tig-310 naman ang napanalunan ng 1,564 mananaya na nakaapat na numero at balik ang P20 taya ng 23,246 mananaya na nakatatlong numero.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.