Dumarami pa ang naaadik sa ‘Alyas Robin Hood’
O, ETO na! Para sa mga dumarami pang adik sa GMA Telebabad na Alyas Robin Hood starring Dingdong Dantes, Megan Young and Andrea Torres narito ang kailangan n’yong abangan tonight.
Umpisa na ng cosfight. Iaanunsyo ni announcer ang tunggaliang Askal (Pepe) versus The Amazon Triplets at Miaka versus The Lovelorn Aki (Julian) and Sakura (Lizzy).
Tatabi nga ang ibang cosplayers to give way to the fighters. Magkakaintindihan ang lahat na magkunwaring naglalaban maliban kay Miaka na ina ang turing kay Mama Daisy.
Lalabanan nito si Pepe gamit ang buong lakas niya. Tutulungan si Pepe ng Amazon Triplets na ikakadismaya ni Miaka. Kasabay nito, pinapanood online nina Betchay at Rex ang laban kasama si Judy (Jaclyn Jose) na sobrang nag-aalala para kina Pepe at Lizzy.
Magdedesisyon siyang isumbong ang napapanood kina Daniel (Paolo Contis).
Nang dehado na si Miaka, kakausapin ito ni Mama Daisy. Magfocus daw ito kay Sakura dahil napapansin nitong pinoprotektahan ni Askal ang babae.
Pupulungin ni Miaka ang Cinco Masculados para kalabanin sina Askal at Lovelorn Aki habang pinapahirapan niya si Sakura. Masasaktan ni Miaka si Sakura kahit tinutulungan ito ni April.
Magtutulong naman sina Askal at Lovelorn Aki para mapatumba ang Cinco Masculados. Sa dulo, susuko si Askal para matigil na ang laban. Hihiranging panalo si Miaka.
Pupunta si Judy kina Maggie (Cherie Gil) at Dean (Sid Lucero).
Ipapanood niya ang video ni Julian na lumalaban, ‘yun nga lang ay darating si Mama Daisy para makipagdinner sa mga Balbuenas. Bago ito, tinatawagan si Mama Daisy ni Honey para ibalita rito na nakatakas sina Askal, Lovelorn Aki, Sakura, Amazon Triplets at April.
‘Yun nga lang hindi ito narinig ni Mama Daisy dahil nakikipaglampungan ito kay Joerel (Michael Flores).
Makakapasok sina Venus (Andrea), Jekjek (Gio Alvarez) at Junjun sa compound kung saan nandoon sina Pepe. Ibabato ni Jekjek ang pana nito. Magugulat ang mga bata na si Askal pala ay walang iba kung hindi si Alyas Robinhood.
Magkakaroon ng bakbakan. Sa dulo, makukuha ni Honey si Julian.
Itatapat niya sa bata ang taser at babalaang gagamitin ito sa bata kapag tumakas sila. Tense ang lahat, lalo na si Pepe.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.