Rocco masaya ang pagtatapos ng 2016 dahil kay Sanya
PINATUNAYAN ni Rocco Nacino ang kanyang loyalty sa GMA 7 matapos itong pumirma ng bagong exclusive network contract kamakailan.
Present sa ginanap na contract signing sina GMA Entertainment TV’s Senior Vice President Lilybeth Rasonable; GMA Consultant for Business Development Department II Marivin Arayata; GMA Senior Assistant Vice President for Alternative Productions Gigi Santiago-Lara; GMA Artist Center Assistant Vice President and Head for Talent Imaging and Marketing Unit Simoun Ferrer; at Mrs. Linda Nacino, Rocco’s mom.
Ayon kay Rocco, “This is where I started my career. I am just thankful na sa lahat ng projects na binigay sa akin ng GMA, tumatak siya sa viewers. Nagpapasalamat ako sa lahat ng assistance ng GMA sa career ko at sa kanilang pagtitiwala.”
Napapanood ang binata sa fantaseryeng Encantadia sa GMA Telebabad bilang si Aquil, ang lider ng mga sundalo ng kaharian ng Lireo na na-in love kay Sang’gre Danaya (Sanya Lopez). According to Rocco, his role in the iconic telefantasya is definitely one for the books because of the experiences he has gained and the friendships he has formed with the cast members.
“Nagpapasalamat talaga ako for being part of Encantadia kasi talagang classic show siya ng GMA. Lahat ng tao tinututukan yung program because of its story talaga.
“Bukod sa ang dami kong natututunan as an actor, enjoy siyang gawin. The cast I am with is just so fun to be with. Also, the fact that kahit ako ginugulat ni Direk Mark (Reyes) sa twists ng show, nakaka-‘wow!’ lang talaga,” ani Rocco.
Naikuwento rin ni Rocco na siguradong hindi malungkot ang pagtatapos ng kanyang 2016 dahil sa dami ng kanyang natanggap na blessings—isa na rito ang kanyang ka-loveteam sa Encantadia na si Sanya Lopez.
Hindi raw niya kasi inaasahan ang mainit na pagtanggap ng netizens sa kanilang tambalan.
“Actually nu’ng una, kinakabahan kami, kasi nga bago. Pero masaya ako kasi nakita ng tao yung galing ni Sanya, na dati ko pa nakikita. Masaya rin ako kasi I found a friend in her,” anang aktor.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.