Helen Gamboa, Irma Adlawan, Mike Enriquez, Joey de Leon tatayong ninang at ninong sa AlDub wedding

ALDEN RICHARDS AT MAINE MENDOZA

NU’NG isang gabi nagbalik si Alden Richards mula sa Japan. Blow out ng producer ng Sunday PinaSaya ang dahilan kaya nasa Japan ang Pambansang Bae. Lahat kasi ng original mainstay ng SPS ay kasama sa biyahe.

Kailangan din kasing maging well-rested at guwapo ni Alden sa magaganap na kasal nila ni Maine Mendoza ngayong tanghali sa Eat Bulaga.

Isang malaking hamon sa AlDub Nation ang episode ng Kalyeserye ngayong araw. Sanib-puwersang muli ang panawagan sa kanila nang sa gayon, mapatumba nilang muli ang kanilang katapat na show, huh!

Inilabas na rin ang entourage ng principal at secondary sponsors sa AlDub wedding na masasaksihan sa Eat Bulaga ngayong tanghali simula 11:30 a.m..

Si Helen Gamboa ang nangunguna sa mga ninang kasama sina Margot Torres at Irma Adlawan. Si Mike Enriquez naman ang mangunguna sa mga ninong kasama sina Joey de Leon at Elmer Villasanta.

 Si Rodjun Cruz ang Best Man habang si Nicoleen Mendoza ang Maid of Honor.

 Ang apat na Baes na sina Tommy Penaflor, Joel Palencia, Kim Last at Jon Timmons ang Groomsmen habang sina Janicka Mendoza, Janeeva Verceles at Katrina Nicolas ang Bridesmaid.

Tatayong candle sponsors sina Miggy Tolentino at Taki Saito, veil sponsors sina Kenneth Medrano at Toni Aquino habang cord sponsors sina Jake Ejercito at Aicelle Santos.

Ang mga bagets namang magmamartsa sa wedding ay sina Ryzza Mae Dizon, Baste, Sandro Sotto, Samsam Arumpac, Scarlett at Olivia Mago.

Saan kaya ang honeymoon nina Alden at Maine? Abangan ang announcement pagkatapos ng kasal!