Jinggoy na-shock sa pagkaaresto kay Mark
JINGGOY ESTRADA AT MARK ANTHONY FERNANDEZ
NABAHALA rin si Sen. Jinggoy Estrada sa pagkakahuli ni Mark Anthony Fernandez dahil sa dala umanong marijuana sa Angeles, Pampanga.
Anak ng best friend niyang yumao na si Rudy Fernandez kaya anak na rin ang turing niya sa aktor.
Ayon sa reports, nagkausap na sina Sen. Jinggoy at Alma Moreno na tumaas daw ang blood pressure nang malaman ang nangyari sa anak. As of this writing, hindi pa nakakapunta ang aktres sa Angeles City Police para bisitahin ang anak contrary to some reports na agad siyang sumugod doon.
Siyempre, apektado rin ang trabaho ni Ness (tawag kay Alma) ngayon na kasama sa GMA weekly series na Tsuperhero na ipalalabas na very soon.
Kapansin-pansin lang sa interogasyon ng mga pulis kay Mark (hanggang sa isinagawang presscon sa presinto) ay wala kaming nakitang lawyer na kasama niya. ‘Yun ang pinansin ni Sen. Jinggoy nang i-present ang aktor sa publiko matapos ngang mahulihan ng 1 kilo ng marijuana.
Kung buhay pa ngayon si Daboy, hindi mangyayari kay Mark ang gulong kinasangkutan niya ngayon. Si Rudy ang siyang nagpasok sa anak sa rehabilitation nu’ng nabubuhay siya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.