Ni Leifbilly Begas
NAHABLUTAN ng cellphone ang football player na si Philip James Younghusband habang nasa kanyang sasakyan sa Quezon City.
Ayon sa ulat ng pulisya, nakaupo sa likurang bahagi ng sasakyan si Younghusband, ng Don Antonio Ave, Don Antonio Royale Estate, Brgy. Old Balara.
Bahagya niyang ibinaba ang bintana habang ang kanyang sasakyan ay mabagal ang takbo dahil sa mabagal na usad ng trapiko sa kanto ng Tandang Sora Ave., malapit sa Capitol Hills, Brgy. Old Balara alas-9 ng gabi noong Miyerkules.
Nagsabwatan umano ang tatlong lalaki sa paghablot sa kanyang cellphone at agad silang tumakbo patungo sa isang eskenita.
Humingi ng tulong ang biktima at nahuli si Leo Corpuz, 18, ng Purok Dagohoy, Brgy. UP, makalipas ang ilang oras.
Dinala si Corpuz sa Batasan Police station at doon sinampahan ng kasong robbery snatching.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.
What's trending