Julie Anne Kapuso pa rin, bibida sa bagong serye

PUMIRMA na uli ng exclusive contract ang Asia’s Pop Sweetheart and multi-platinum recording artist na si Julie Anne San Jose sa GMA 7.

Ibig sabihin, walang katotohanan ang mga tsismis na lilipat na ng ibang network si Julie Anne dahil mananatili pa rin siyang Kapuso.

Present sa naganap na contract signing nitong nagdaang Lunes sina GMA Chairman and Chief Executive Officer Atty. Felipe Gozon, President and Chief Operating Officer Gilberto Duavit Jr., Executive Vice President and Chief Financial Officer Felipe Yalong, Senior Vice President for Entertainment TV Lilybeth Rasonable, Consultant for Entertainment TV Marivin Arayata, Senior Assistant Vice President for Alternative Productions Gigi Lara, and Senior Program Manager Charles Koo.

Siyempre, tuwang-tuwa si Julie Anne dahil patuloy pa rin siyang pinagkakatiwalaan ng GMA makalipas ang ilang taon, “Ever since naman ito na yung tahanan ko. I started really young so dito na rin po talaga ako lumaki sa GMA. Masasabi ko po na sobrang thankful po ako na nabigyan po ulit ako ng opportunity to be with GMA. And I am really really excited kasi marami pong magaganap very soon.”

Nagpasalamat din si Atty. Gozon kay Julie Anne dahil sa pagiging loyal Kapuso ng dalaga, “Tayo ay very thankful dahil homegrown talent si Julie Anne, pero gusto ko lang din sabihin na hindi lang siya napakagaling na singer kung hindi versatile actress din. Pwedeng comedy, pwedeng drama, at higit sa lahat ay napakaganda.”

Sey naman ni Mr. Duavit, “Parang kailan lang ay sumali siya sa Pop Star Kids, at ngayon napakagaling na niya. Bukod sa nasisiyahan ay nagpapasalamat tayo dahil patuloy siyang nagsisikap at nagtitiwala sa atin.”

For her upcoming projects, sinabi ni Ms. Rasonable na mas magiging busy ngayon si Julie Anne, “We are very thankful that she chose to stay with us. Now that she’s busy in the concert scene, we also want to give her drama projects because as what Atty. Gozon had said, we believe that she is a versatile actress. We are also working on projects that will focus on her singing and hosting career, and we look forward to the announcement once everything is polished.”