Natural, kapag ang mga kasamahang basketbolista ni James Yap ang tatanungin ay lumalabas na si Kris Aquino ang may mas malaking pagkakamali kaya humantong sa hiwalayan ang kanilang relasyon, kahit noon pa napapabalitang babaero ang dribolero.
Ayon sa kampo ni James ay napakalaking pasasalamat ng basketball player dahil sa wakas ay nakawala na siya sa gintong hawla na Kris Aquino na napakaselosa, makitid ang isip at masyadong bratty.
Ipinaalala pa ng mga ito ang minsang pagsugod ni Kris sa bahay ng isang dalagang nagdala ng cake sa kanyang mister, pinagsalitaan ito nang masasakit ni Kris, napakabilis na kumalat ng kuwento na pagkatapos ay nilinaw naman ng aktres-TV host.
Sabi ng isa naming kausap, “Nakakaawa si James sa kanya, ipinahihiya niya ‘yung tao kahit sa karamihan, wala siyang respect sa mister niya.
Nagiging tuksuhan tuloy ‘yun kapag nagkakasama-sama ang mga players.
Nakakaawa si James nu’n kay Kris!”Naghatian sila ng propyedad, pinawalang-bisa ang kanilang kasal, ayon kay Kris ay luging-lugi ito sa kaganapan dahil nambabae na nga si James ay kumita pa.
Komento ng isang nakikisimpatya kay James, “Bakit, may namilit ba sa kanya para magpakasal sila?
May kumaladkad ba sa kanya para mahalin si James?
Sarili niyang decision ‘yun, ginawa niya nang kusa, kaya walang dapat sisihin ngayon kundi siya lang mismo!
“Kaya tama na, tantanan na niya ‘yung tao.
Nawiwili na siya, porke ba hindi kumikibo si James dahil gentleman ‘yung tao, e, masyado niya namang aabusihin ang pananahimik ng ama ng anak niya?” katwiran pa ng aming impormante.
‘Yun lang.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.