Igan pagsasabungin ang mga diva at komedyana
TAPATANG divas at comedians ang mapapanood ngayong Miyerkules sa Tonight With Arnold Clavio.
Makakasama ni Arnold Clavio ang mga diva na sina Soul Siren Nina at Pinoy Pop Superstar grand champion Maricris Garcia. Samantalang sina EJ Salamante at “Dental Diva” Cacai Bautista naman ang bubuo sa tandem ng mga comedian.
Kaninong panig kaya ang mananaig: ang divas na hanep sa performance o mga comedian na kuwela pero abot na abot din ang matataas na nota? Anuman ang kalalabasan, tiyak na ang mga manonood ang panalo dahil isang gabing puno ng kantahan at tawanan ang maaasahan.
May kakaibang challenge pang naghihintay kina Nina at EJ. Kayanin kaya nilang bumirit habang nakahiga o hinihila-hila kunwari ng gwapo’t machong security guard? Samantalang sina Cacai at Maricris, papasa kaya sa gawaing-bahay at sports habang kumakanta? Abangan lahat iyan sa Tonight With Arnold Clavio ngayong gabi, 10:15 p.m. sa GMA News TV.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.