Pia Wurtzbach maligaya sa piling ni Dr. Mike pero ayaw pang magdyowa
WALA pa sa mga top priorities ni reigning Miss Universe Pia Wurtzbach ang mag-boyfriend kaya hindi raw totoong dyowa na niya ang tinaguriang Sexiest Doctor Alive na si Dr. Mike.
Sa isang panayam, sinabi ni Pia na uunahin niya muna ang kanyang mga duties and responsibilities niya bilang Miss Universe at ang kanyang advocacy of raising awareness on HIV/AIDS. Kaya naman kailangan daw maghintay muna si Dr. Mike o Mikhail Varshavski kung talagang seryoso ito sa panliligaw sa kanya.
“As I said before, Miss Universe is still my priority. I’ve been working to get this title for a very long time and I love my job, I really do, and it’s going to stay that way for a long time,” pahayag ni Pia.
“Kasi alam ko na one year lang siya so I try to cherish it as much as I can.
Marami talaga (mga memorable moments) especially kapag nakakauwi ako at nakakausap ko ang mga Filipinos and I see the kind of impact I have,” dagdag pa ni Pia. Naiintindihan naman daw ni Dr. Mike ang kanyang sitwasyon, “He’s been very respectful in knowing that my priority is Miss Universe and I appreciate that very much.
He knows that this is my life right now.” Pero diretsong sinabi ng dalaga na masaya siya sa piling ni Dr. Mike, “Well, yes. I mean, kasi bago pa lang ako sa New York, mga three months pa lang naman ako du’n, maganda rin yung mayroon kang nakikilala, di ba?”
Kamakailan, inamin ni Dr. Mike na nagde-date na sila ng Pinay Miss Universe, “I am dating Pia. It’s a fairly new relationship but I’m really excited to see where it can go!” Sinundan din ito ng pag-amin ni Pia sa kanyang Twitter account.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.