2016 Holy Week paandar ng mga Stars

TULAD ng karamihan sa atin, kailangan din ng ating mga celebrity idols na magpahinga, mag-enjoy at mag-spend time with their loved ones. Saan-saan kaya nakarating ang ilan sa favorite stars ninyo nitong nakaraang Semana Santa?

Super enjoy sa US vacation nila sina Coleen Garcia at Billy Crawford. Nanood pa sila ng basketball game ng Golden State Warriors at nag-trip sa Six Flags Discovery Kingdom sa California kasama ang ilang friends.

Sa Instagram account ng Home Sweetie Home star, nag-post si Tony Gonzaga ng picture ng kanyang in-flight meal habang patungo naman sa New Zealand. Hindi namin nakita sa picture ang movie director and producer niyang husband na si Paul Soriano?

“Family is going through spiritual fasting for 3 days! Strictly no meat, rice, and sweets! Mom has assigned me to be the boss in the kitchen since 3 days din walang work!” Yan naman ang sey ni Kris Bernal na mukhang spending quality time with family ang ginawa niya for her vacation. Nag-Visita Iglesia rin siya sa iba’t ibang simbahan sa Manila bilang paggunita sa Lenten season.

Nag-post naman kahapon ng picutre si Anne Curtis kasama si Isabelle Daza habang nag-eenjoy sa isang cafe sa Melbourne.

Nag-family bonding naman si Sarah Lahbati kasama ang mag-ama niyang si Richard Guiterez at Baby Zion sa kanilang Holy Week vacation sa isang resort sa Bali.

Isang picture naman nila ni Bossing Vic Sotto ang ipinost ni Pauleen Luna sa kanyang IG account habang nag-eenjoy kumain ng isang napakalaking alimango sa San Francisco. Naging paborito ng dalawa ang alimango pagkatapos turuan ni Vic si Poleng na kumain nito.

Marami namang fans ang nag-react sa picture ni Jennylyn Mercado na sobrang sexy talaga habang siya ay nag-eenjoy mag-dive. Himutok nga ng isang fan “Nasaan ang hustisya? Bat overloaded ang kaseksihan mo?!”

Kahapon naman ang 26th birthday ni Matteo Guidicelli at nag-celebrate siya sa Cebu. Bago pa ito, ay nag-post muna siya ng Friday ng magandang view na nakikita niya at nagpapasalamat sa lahat ng blessings sa kanyang buhay.

Kahapon pa lang nagsimula ang vacation ni Rocco Nacino. May ginawa kasi siyang isang show sa Massey Theater sa New Westminister. Pagkatapos nu’n ay lumipad na siya sa Las Vegas para sa kanyang long-awaited vacation.

Active naman sa pangangampanya si Heart Evangelista para sa kay Vice-Presidentiable Chiz Escudero. Pero dumalaw naman siya sa Sorsogon para mabisita ang inaanak at mag-relax for Holy Week.

“All together now in Hong Kong for Asia’s biggest art fair!” Iyan naman ang post ni Ruffa Guiterez sa social media kasama sina John Lloyd Cruz, Aga Muhlach and wife Charlene Gonzales. Dahil dito muling inintriga ng netizens sina Ruffa at John Lloyd na dati nang na-link sa isa’t isa.