MAINE MENDOZA AT ALDEN RICHARDS
WINNER ang Pambansang Bae na si Alden Richards sa nakaraang episode ng Lip Sync Battle Philippines noong Sabado. Isang rakistang Alden ang napanood ng viewers sa kanyang lip sync version ng “Doo Bidoo” ng bandang Kamikazee.
Hindi rin naman nagpahuli ang kanyang kaibigan na si Jerald Napoles sa kanyang version ng “Let’s Get Loud” ni Jennifer Lopez pero sa huli si Alden pa rin ang nagwagi at nag-uwi ng LSB championship belt.
Sinu-sino naman ang susunod na hahataw sa Lip Sync Battle stage ngayong Sabado? ‘Yan ang dapat n’yong abangan.
Samantala, pang-Guinness World Records na nga ang AlDub nina Alden at Maine Mendoza. Sa 10th anniversary ng Twitter, ibinandera nito ang “five of the most significant world record achievements set by its users.”
At isa nga sa Top 5 ang kategoryang “most used hashtag in 24 hours” na nakuha ng #AlDubEBTamangPanahon, with 40,706,392 uses mula Oct. 24 hanggang Oct. 25, 2015.
Ang nasabing hashtag ay ginamit nang ganapin ang record-breaking “Tamang Panahon” concert ng Eat Bulaga sa Philippine Arena kung saan finally ay nagkita na ang AlDub.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.