El Gamma Penumbra pinuri sa bagong MTV

Tuwang-tuwa ang Asia’s Got Talent first season champion na El Gamma Penumbra dahil maraming nag-congratulate sa kanila matapos ilabas ang ginawa nilang campaign jingle at music video para kay presidentiable Sen. Grace Poe na pinamagatang “Gobyernong may Puso.”

Ayon sa mga miyembro ng El Gamma umaasa sila na mas magiging positibo ang pananaw ng mga Pinoy sa mensaheng gustong ihatid ng kanilang performance sa nasabing MTV.

Sa nakaraang proclamation rally ni Grace last week ni-launch ang kanyang campaign jingle along with its music video na talaga namang nagpanganga sa audience dahil na rin sa galing ng El Gamma.

Ipinakita sa video ang iba’t ibang pinagdadaanan ng mga ordinaryong tao sa Pilipinas mula sa traffic, kakulangan sa trabaho, disaster response at maging religion.

Minsan nang sumali ang El Gamma sa Pilipinas Got Talent Season 3 pero nag-fourth place lang sila. Pero ginulat ng grupo at pinabilib ang buong Asya nang sumali sila sa ng Asia’s Got Talent last year at tanghaling kauna-unahang grand winner.

Makapanindig-balahibo naman talaga sa tuwing magpe-perform ang El Gamma dahil very nationalistic at makatao ang theme ng kanilang mga performance, at damang-dama ang emosyon na nais nilang ipahatid. Kaya naman ‘di nakakapagtaka na proud na proud ang mga Pinoy sa kanila.