Baka naman bigla na lang pumasok sa seminaryo
WALANG balak si Matteo Guidicelli na ligawan uli si Maja Salvador.
Ito ang sinabi ng Kapamilya actor sa ilang members ng entertainment press na dumalo sa special screening ng makabuluhang pelikulang pinagbibidahan niya, ang “Paglaya Sa Tanikala” na isa sa mga official entry sa 2012 Metro Manila Film Festival New Wave category.
Ayon kay Matteo relax lang daw muna ang lovelife niya, wala rin daw siyang nililigawan ngayon.
Actually, nahihiya nga raw siya kay Maja dahil medyo matagal na silang nagkahiwalay, pero hanggang ngayon ay tuloy pa rin ang intriga sa kanila.
“Now, siguro pahinga muna sa lovelife, basically, I’m really concentrating sa trabaho ko ngayon at sa mga sports ko.
Talagang wala na akong time and concentrate with the things that you really love. That’s important.
“Aside kasi sa soap opera naming Paraiso (with Jessy Mendiola) sa ABS, ito nga, malapit nang ipalabas ang pinaghirapan naming pelikula, ang ‘Paglaya Sa Tanikala’.
I’m very excited about it kasi nga nakasali kami sa MMFF,” paliwanag pa ng aktor.
Pero totoo ba na dahil sa mga sports niya kaya sila naghiwalay ni Maja?
Lagi raw kasi nila itong pinag-aawayan noon dahil nawawalan na nga siya ng panahon sa dati niyang girlfriend?
“No naman. Not true at all. ‘Yung mga priorities lang naman in our life right now, in our age, are very different.
So, we decided to go our separate ways.
But Maja and I are still friends and we still talk, at ‘yun naman ang mahalaga, hindi kami nag-aaway, we’re okay,” sabi pa ni Matteo.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.