Operasyon ni Angel sa Singapore tagumpay; balik-Darna?
Balitang naging matagumpay ang operasyon (neuro-spine surgery) ni Angel Locsin sa Singapore para sa kanyang problema sa likod. Kinailangan pang sa ibang bansa gawin ito dahil bukod sa naroon ang mga doktor na ini-refer sa aktres ay mas maganda nga raw ang klima ngayon doon, sapat para mapabilis ang recovery nito.
Wala kaming nabalitaan kung sinamahan o sinundan siya doon ng ampon naming si Luis Manzano, pero bago tumulak si Angel sa Singapore ay isa nga si Luis sa mga kinunsulta nito at pinagsabihan ng kanyang planong pagpapaopera.
Hmmm, magkatotoo kaya ang tsika ng marami na eventually ay kay Angel pa rin mauuwi ang “Darna” movie dahil hanggang ngayon ay wala pa ring napipili ang Star Cinema na papalit sa aktres?
Matatandaang nag-beg-off na si Angel sa nasabing project dahil nga sa problema nito sa likod pero ngayong ipinaopera na niya ito at malamang na bigyan na rin siya ng clearance ng mga doktor, hindi nga imposibleng siya pa rin ang lumulon sa bato ni Darna sa 2016.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.