Marian nanganak na; buong araw nag-labor

ISANG bouncing baby girl (6.9 lbs) ang isinilang ni Kapuso Primetime Queen Marian Rivera kaninang madaling araw sa Makati Medical Center sa pamamagitan ng normal delivery.

Finally, nanay at tatay na nga sina Marian at Dingdong Dantes. Pinangalanan nila ang kanilang first baby na Maria Letizia na ipinanganak eksaktong 5:25 a.m. kahapon. Ayon kay Dingdong, maayos na maayos naman ang kalagayan ni Baby Maria at nagpapasalamat din siya sa Diyos at sa lahat ng nagdasal para sa kanyang mag-ina, lalo na sa kanyang misis na halos buong araw daw nag-labor. Siyempre, hindi talaga iniwan ng Kapuso Primetime King ang kanyang misis magmula nang mag-labor ito hanggang sa maipangangak ang kanilang panganay. Napag-alaman din namin na bumilib ang doktor at mga nurse sa Makati Medical Center kay Marian dahil ilang oras lang matapos siyang manganak ay parang wala lang nangyari, maayos na rin daw siyang  nakausap ng kanyang pamilya.