Billy Crawford sobrang namayat, netizens naalarma
MARAMI ang nabagabag sa TV host, singer, at dancer na si Billy Crawford matapos mag-viral ang larawan nito habang umiinom sa kanyang tumbler.
Kapansin-pansin kasi na mas namayat ito sa sa kanyang pisikal na pangangatawan noon kaya marami ang nagbigay opinyon at nagtaka kung ano na ang lagay ng kalusugan ng aktor.
Makikita rin na halos puro negatibo ang naging komento ng mga netizens kaya naman hindi rin napigilan ng asawa nitong si Coleen Garcia ang maglabas ng kanyang saloobin tungkol rito.
Agad nga nitong tinawag ang pansin ng mga maiintrigang netizens sa pamamagitan ng kanyang Instagram stories.
Baka Bet Mo: Billy Crawford inaming request ng kanyang ama ang magkabati sila ni Vice Ganda
View this post on Instagram
“There’s this viral photo kasi of Billy going around kaya I felt the need to address it without directly addressing it,” saad ni Coleen patungkol sa kumakalat larawan ng asawa sa social media.
Pagpapatuloy niya, “Actually, I don’t know if you’ve ever seen him before without makeup. But long before we even started dating, he’s always had dark under eye circles and major hair loss na.”
Iginiit rin niya na hindi lang napapansin ng netizens ang totoong itsura ni Billy dahil sa hair and make up sa tuwing nakikita ito ng madla.
“I wish we had photos from 10 years ago to show na he’s always had those dark circles and matagal na siyang walang hair,” sey pa ni Coleen.
Ang naging pahayag ni Coleen ay hindi lamang pagtatanggol kay Billy ngunit ito rin ang naging daan para i-call out ang unrealistoc standards ng mga taon sa mga artista na dapat ay lagi itong perpekto.
“Syempre people just see the glammed-up version of us lang, which isn’t really how we look on a daily basis,” sey ni Coleen.
Samantala, siniguro naman niya sa madlang pipol na maayos ang kalagayan ng kalusugan ni Billy at talagang abala lang ito sa kanyang schedule.
“Medyo ngarag lang cause we’ve both been working more than usual while balancing a lot of things. Lalo na si Billy. He’s out of town now overnight lang, but he just came from France for a month, then he’s leaving for the US next week.
“He’ll mostly be in France again for the remainder of the year, ang daming travels,” sabi pa ni Coleen.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.