Luis nagpasintabi kay Billy bago tinanggap ang Celebrity Playtime
Nagpasintabi si Luis Manzano sa kaibigan niyang si Billy Crawford bago niya tanggapin ang pagiging host ng comedy game show na Celebrity Playtime sa ABS-CBN.
Sa official Instagram account ng nasabing programa naka-post ang statement ni Luis tungkol sa pahalili niya kay Billy sa CP.
“Nu’ng una nagulat ako siyempre tinanong ko kung anong nangyari tapos before saying yes tinawagan ko muna si Billy boy so nagpaalam ako kay Billy boy and asked for his blessing bago ako nag-oo and si Billy was sobrang happy,” chika ni Luis.
Dugtong pa ng TV host-comedian, winelkam naman daw siya ni Billy, “He told me, ‘Parang kapatid na rin kita okay na okay ‘yan I trust you with the show.’ Nu’ng nalaman ko na, I was very happy, the fan of the show ang kukulit nilang lahat mula sa host, sa naglalaro so I’m very thankful.”
Riot daw agad ang first taping day niya kasama ang mga celebrity contestants sa nasabing game show, “I had fun working with a new family, a new set of stars ‘yung mga Ka-Familiars and Team Deal and kung ang expectations ko lumagpas pa, kung gaano kasarap panoorin ang Celebrity Playtime mas masarap pa siyang i-host.
“’Yung tinake naming unang episode masama pa pakiramdam ko nun I was sick nung tinape namin pero nakalimutan kong may sakit ako doing that show it’s one show na I really enjoy doing and will definitely enjoy doing,” sey pa ni Luis.
Napapanood ang Celebrity Playtime every Saturday, 10:30 p.m. after Dance Kids.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.