Sam umamin sa naging relasyon nila ni Shaina
SAM MILBY
MARIING pinabulaanan ni Sam Milby ang chikang siya ang mystery suitor ni Maja Salvador. Kumalat kasi ang balitang magka-text sila lagi ng singer-actress-dancer.
Sa presscon na ibinigay sa kanya ng Cornerstone Management para sa next major concert ni Sam, ang “The Milby Way”, sinabi ni Sam na totoong malapit sila sa isa’t isa ni Maja pero hindi niya ito nililigawan, “I heard about it. She said na may ka-textmate siya na hindi niya sinabi kung sino.
“So, I don’t know why e-veryone’s assuming na ako ang ka-textmate niya. But, yeah, we are friends.
She’s someone that I did actually want to go for before. Hindi lang nangyayari,” paliwanag ng binata.
Pero inamin ni Sam na tinangka niyang ligawan noon ang ex-dyowa ni Gerald Anderson,
“Nagparamdam ako. She’s such a real person. She thinks about a lot of other people’s feelings. The way she takes care of people, talagang napa-kabait na tao.”
Natanong din ang ultimate acoustic heartthrob kung totoong na-brozone (basted) siya ni Shaina Magdayao nang li-gawan niya ito noon, “I don’t know if it’s considered ‘bro-zoned.’ But, yeah, we’re just friends lang din.”
“But yes (nanligaw) before. But it did not materialize. Kasi I’m shy especially when I like a girl. I’m a bit more quiet, so yun, that was it…I don’t know if we really gave it enough of a chance to see. Bata pa kami (noon). But yeah. It just didn’t move further,” pag-amin pa ni Sam.
Samantala, sexy at daring ang susunod na concert ni Sam, ang “The Milby Way” na magaganap na sa Nov. 28 sa KIA Theater, Araneta Center. Sa mga promo materials pa lang ni Sam para sa nasabing proyekto ay ramdam na ramdam na ng fans ang kanyang pagiging hot and hunky. Kaya siguradong mag-eenjoy hindi lang ang mga babaeng fans ni Sam kundi pati na rin ng mga beki.
Ilan sa magiging special guests ni Sam sa “The Milby Way” na magsisilbi ring selebrasyon para sa kanyang 10th anniversary sa showbiz, sina Piolo Pascual, Yeng Constantino, KZ, Gerald Anderson, Enchong Dee, Rayver Cruz, Angeline Quinto, John Prats at marami pang iba.
Mabibili ang tickets sa “The Milby Way” sa Ticketnet outlets, 911-5555.
Nag-promise rin si Sam na kakaibang concert ang handog niya sa kanyang fans.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.