Marco Gumabao naaksidente, bumper na sasakyan nawasak
Naaksidente ang Kapamilya actor na si Marco Gumabao kahapon ng umaga sa kahabaan ng Quezon Avenue sa Quezon City. Nagdulot ito ng matinding trapik sa nasabing lugar.
Sa ulat ng ABS-CBN, nabatid na sakay ng kanyang puting Ford Everest si Marco nang mabunggo nito ang likurang bahagi ng isang pulang Pajero. Sa lakas ng impact, tinamaan naman ng Pajero ang likurang bahagi ng black Montero na nasa harapan nito.
Walang nasaktan sa nasabing aksidente ngunit nawasak naman ang bumper ng sasakyan ni Marco.
Ayon pa sa report, patungo sa ABS-CBN ang aktor para sa guesting niya sa ASAP nang maaksidente.
Napagkasunduan naman ng mga taong sangkot sa aksidente na i-settle na lang ang mga naging damage sa kanilang mga sasakyan.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.