Promise ni Alden kay Yaya: Di ko siya lolokohin!

ALDEN RICHARDS AT YAYA DUB

Sa naganap na kalyeserye ng Eat Bulaga kahapon, umentrada si Lola Nidora (Wally Bayola) habang pinagagalitan ang kanyang mga Rogelio dahil sa pagiging tamad, lagi raw kasing tulog ang mga ito. Pati si Yaya Dub (Maine Mendoza) ay pinagalitan dahil lagi silang nagtsitsismisan ni Rihana (si Wally din) at late na silang matulog.

Inasar naman sila ni Vic Sotto na baka si Alden Richards ang pinag uusapan ng dalawa. Bigla namang napangiti si Yaya.

Samantala, si Will raw ang tumawag kahapon kay Tinidora (Jose Manalo). Naalala niya ang sweet moments nila lalo na kapag nakikita niyang sweet ang AlDub couple.

Sinabihan naman nina Lola Nidora at Tinidora si Alden na huwag lolokohin si Yaya Dub. Sabi pa ni Lola Nidora, “Ang pag-ibig n’yo ay di pang Juan for All, di pang takbuhan. Pang su-god-bahay lang. Isa lang ang winner.” Nangako naman si Alden na hindi niya lolokohin si Yaya.

Muli na namang umentrada ang boses (dubsmash) ni Maine. Kinanta niya gamit ang kanyang boses ang ilang songs na inaawit niya for Alden kagaya ng “Someday Will Know” at “Because of You”. Pilit namang pinaaamin ni Alden si Yaya Dub kung boses niya ba talaga ang naririnig niya pero dedma ito.

Bago matapos ang kalyeserye, ay may sasabihin dapat si Alden kay Lola Nidora. Mukhang aaminin na nito na sinuway talaga nila ni Yaya ang “no-touch” sa date nila last Saturday. Ano kaya ang magiging reaksyon ni Lola Nidora?