Solenn sa ABS-CBN: Para rin siyang penitensiya!

KAHIT Mahal na Araw ay sagsag pa rin sa pagpo-promote ng “Da Possessed” si papa Vhong Navarro pati na ang leading lady niyang si Solenn Heussaff na enjoy na enjoy na libutin ang mga shows ng ABS-CBN, ang DZMM radio at ang Tambayan FM station.

“Parang penitensya na rin kasi takbo-lakad at palipat-lipat din ng lugar,” komento ni Solenn sa ginagawa nila para i-promote ang movie sa bakuran ng ABS-CBN na first time niyang ginawa dahil nga identified siya as Kapuso star.

Marami raw nakilalang mga bagong kaibigan si Solenn sa Kapamilya at sinisiguro niyang hindi yun ang una’t huling beses na tatapak siya at maglilibot sa mga shows ng Dos. “Masarap ang experience.

This deserves a repeat,” tsika pa ng seksi at magandang aktres na crush na crush talaga namin. Ha-hahaha! “Ninerbyos pa rin kaya.

Parang bumalik nu’ng mga unang sabak ko bilang bida,” ang tsika naman ni papa Vhong sa amin sabay pahawak sa kamay niyang nanlalamig dahil nerbyos na nerbyos daw siya sa mga anchors ng DZMM Teleradyo na kilala niyang magagaling magtanong at mang-intriga.

Ngayong Sabado de Gloria (Black Saturday) ipalalabas ang co-production movie venture ng Star Cinema at Regal Films. At gaya ng tradisyon ng Star Cinema since the past decade, laging box-office ang anumang movie na inilalabas nila kapag Black Saturday.

( Phtoo credit to EAS )