1. Kumain ng agahan
Ayon sa mga pag-aaral, ang agahan ay malaking tulong para pakilusin ang isip. Ang mga bata na kumain ng agahan ay mas nakakapag-perform ng maayos sa eskwela kaysa sa mga batang hindi nag-agahan. Mabuting kumain ng mga high-fiber whole grains, gatas at prutas tuwing umaga.
2. Kape
Hindi pa rin nabibigo ang mga coffee drinkers na ga-wing “bala” ito sa sandaling manghina o mawalan ng gana sa ginagawang trabaho. Bagamat ang epekto nito ay panandalian lang, malaki pa rin ang tulong nito sa mga naghahabol ng deadline. Reminder: Huwag lang todo-todo ang inom.
3. Isda para sa utak
Para bongga ang paggana ng utak, kailangan kumain ng isda na rich sa omega 3-fatty acids. May brain power ang isda at sinasabing pangontra sa dementia at nagpapababa ng risk ng stroke. Para sa malusog na pag-iisip at puso, two servings ng isda kada linggo ang kailangan.
4. Nuts at chocolate
Ang iba’t ibang uri ng nuts ay magandang source ng antioxidant na vitamin E para mapanatili ang mahusay na pag-iisip kahit tumatanda na. Ang pagkain naman ng dark chocolate ay maganda rin para maging alerto. Para lang din siyang kape. Kailangan na i-take in moderation lang din.
5. Maayos na pagtulog
Ito pa rin ang “key” para mapanatiling alerto ang pag-iisip kinabukasan: yung makatulog ng anim hanggang walong oras sa gabi. Kailangan din ng “power nap” na 10 hanggang 15 minuto para lang i-energize ang sarili.
6. Tubig, tubig, at tubig
Kailangan hydrated ka para makaisip nang wasto. Ang pag-inom ng walo hanggang 10 baso ng tubig kada araw ay nakakatulong para mapagaan ang pakiramdam.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.