Christian handa nang pakasal, super in love sa bagong dyowa

ISA sa mga rason kung bakit muling pumirma ng exclusive contract ang Asia’s Romantic Balladeer na si Christian Bautista ay dahil sa Encantadia. Matagal na palang pangarap nh singer-actor ang makasama sa isang fantaserye.

Sa ginanap na contract signing ni Christian kamakailan sa GMA, inamin niyang dream come true ang maging bahagi ng napakalaking produksiyon ng Encantadia.

Ayon pa sa binata, “I am very happy to be with great people, great family, great support group. The last three years have been amazing, expanding and building my talent in acting and hosting. I am proud to be a Kapuso.”

Tungkol naman sa Encantadia kung saan siya gumaganap bilang si Apitong, sey ng binatang singer, “It’s amazing. I really had to do my best sa audition. To fit the role, to want it. I think the whole GMA wanted to be part of the show. And there are more guests coming, more storylines. The fact that the star of the Game of Thrones is in Encantadia, it’s a big thing.”

Present sa contract signing ni Christian sina GMA President and CEO Felipe L. Gozon; Senior Vice President for Entertainment Lilybeth Rasonable, Consultant for Business Development Department II Marivin Arayata; GMA Vice President for Drama Productions Redgie Acuña-Magno; Vice President for Corporate Affairs and Communications Angela Javier Cruz; senior Assistant Vice President for Alternative Productions Gigi Santiago-Lara; Assistant Vice President for Talk, Variety, Musical and Specials Darling de Jesus; at Senior Program Manager Charles Koo.

Bukod sa nasabing fantaserye, magiging bahagi rin si Christian ng bagong talent show ng GMA, “I am so happy to be part of Encantadia and a talent show in the works. We can’t say what it is yet. But things are rolling the engines are heating up and we’re ready to go.”

Samantala, aminado naman si Christian na super in love siya ngayon sa kanyang bagong girlfriend na si Kat Ramnani, head of music content ng isang Telecom. Magwa-one year na raw ang kanilang relasyon.

“Last year pa kami nag-meet, sa escape room, ito ‘yung parang breakout room or like Mystery Manila or Breakout tapos kayong magbabarkada ang magta-try. She was invited by my friend nang hindi ko alam. Then may mga activity kayong gagawin sa room na yun, the objective is makatakas kayo within one hour.

“Pag wala kayong magawa, punta kayo, lima kayo, pumunta kayo du’n. Merong halimbawang mystery na kailangan mong i-solve. Pag na-solve mo yun, makakalabas ka sa isang pinto. It’s exciting, masaya siya!” sey niya.

Aniya pa, “She’s part-Indian, part-Irish, part-American, part-Filipino.” Ayon pa sa binata, handa na rin siyang magkaroon ng sariling pamilya at umaasa siyang si Kat na ang kanyang forever.