Janella epektib ang akting sa BFY: Ito yung unang role ko na pangmasa!

TUWANG-TUWA sina Janella Salvador at Elmo Magalona sa magandang feedback at rating na nakukuha ng kanilang bagong serye na Born For You.

But at the same mas tumindi raw ang pressure sa kanila dahil nga mas tumaas din ang expectation sa kanila ng management at ng viewers. Kaya nga abot-langit ang pasasalamat nila sa lahat ng mga tumututok gabi-gabi sa BFY.

“Siyempre now may pressure to maintain the ratings but now sobrang tuwang-tuwa na now we actually reached the 20 percent mark and that’s what we are aiming for,” ani Janella sa panayam ng ABS-CBN. Dugtong pa ng dalaga, “When I found out about the ratings lalo nong nag-21% kami, I’m just thankful to all who supported it and natuwa kami na nag-worldwide trend kami.”

Sa tingin niya ano ang rason kung bakit epektib agad ang loveteam nila ni Elmo sa manonood, “Siguro it’s just that we got to bond with each other talaga nong nag Japan kami. Siguro doon nabuo any mas deeper…knowing each other.”

Nakaka-relate rin daw siya sa role niya sa BFY, “Ito ‘yung character na iba ang closeness sa puso. Nagmu-music siya and I Iove music and it give me the chance din to play the ukelele and other instruments.” Dream role rin daw niya ang ibinigay sa kanyang character sa serye, “It’s my first role na hindi siya sosyal and maarte and ito ‘yung role ko na pangmasa.”

Sa nakaraang interview namin kay Janella sinabi nitong napi-feel naman niyang nag-improve na rin ang akting niya, “Honestly when I started out sa Be Careful (With My Heart) alam ko talagang hindi ako marunong umarte. I didn’t expect for everything to come so fast.

“After Be Careful nag-hit siya and binigyan ako ng sariling show na Oh My G and now I have my own first primetime show. It’s all being given to me, I don’t know what I did to deserve it. Pero so far I am enjoying acting noong una hindi ko in-expect na mae-enjoy ko siya dahil I didn’t know what I’m doing at first pero ngayon ine-enjoy ko talaga siya,” aniya pa.