Pia: Kahit Miss Universe, pwede ring maging Team Sawi!

Ipinagdiinan ni 2015 Miss Universe Pia Wurtzbach na single na single pa rin siya. Aniya, isa rin daw siyang member ng “Team Sawi”. “I don’t have a boyfriend.

I didn’t have a boyfriend during the competition. Although, I thought I was seeing somebody, but it turned it out I wasn’t,” ang kuwento ni Pia sa nakaraang niyang presscon.

Pahayag pa nito, “Tingnan mo, kahit na Miss Universe ka, puwede ka pa rin maging sawi. Hashtag Team Sawi!” Pero aniya, mas okay daw na wala muna siyang lovelife para makapag-concentrate siya sa kanyang mga tungkulin bilang reigning Miss Universe.

“That’s okay (walang boyfriend). I wanna focus on the organization. The thing with me is when I fall in love, you know, I tend to give it everything. But we don’t want that,” aniya pa.

Sa ngayon ang itinuturing daw niyang boyfriend ay ang kanyang Miss Universe crown. Samantala, blockbuster naman ang isinagawang grand homecoming parade ni Pia sa ilang lugar sa Metro Manila kahapon.

Suot ng dalaga ang isang emerald green Filipiniana terno habang iwinawagayway ang bandera ng Pilipinas. As in talagang naglabasan ang ating mga kababayan sa mga kalye ng Metro Manila para makita up close and personal ang ating ikatlong Miss Universe.

Todo selfie pa ang mga ito habang pumaparada ang float ni Pia na gawa ni Fritz Solirio kung saan makikita sa harapan ang giant replica ng Miss U crown.

Medyo mahigpit din ang ibinigay na security ng PNP sa palibot ng mga lugar na daraanan ng parada na nagsimula sa Hotel Sofitel at dumaan sa Ayala Avenue sa Makati, na nagtapos sa Araneta Center sa Cubao.