Kung tama ang pagkakabasa namin sa mga naging pahayag ni John Lloyd Cruz tungkol sa dati niyang girlfriend na si Shaina Magdayao, hindi nga naging maganda ang kanilang paghihiwalay.
Ayon kasi kay Lloydie, pagkatapos nilang mag-break ilang buwan na ang nakararaan ay hindi na sila nagkaroon ng pagkakataon na makapag-usap uli.
Hanggang sa ma-link na nga siya kay Angelica Panganiban na hindi pa rin niya diretsong maamin kung sila na nga o hindi.
Sabi ni Lloydie, “Hindi kami nagkikita.
Hindi kami nagkakausap. I can‘t say na we‘re friends.”
Sa morning show naman ni Kris Aquino na Kris TV sa ABS kahapon ng umaga, nag-guest sina Lloydie at Bea Alonzo para sa promo ng kanilang pelikulang “The Mistress”, dito sinabi ng aktor na hinding-hindi na maaalis sa pagkatao niya si Bea. Napakarami na raw nilang pinagdaanan at marami rin siyang natutunan sa 10 taon ng kanilang tambalan.
At ganu’n din naman si Bea, nagpapasalamat siya kay John Lloyd dahil hindi ito naging maramot sa pagbibigay sa kanya ng pagkakataon para maabot kung anuman ang kinalalagyan niya ngayon.
In fairness ha, nagiging malakas na source ang Kris TV ng malalaking issue ngayon sa showbiz, ha.
Bukod kasi sa makabuluhang chikahan sa morning show ni Tetay, para na rin itong showbiz-oriented talk show dahil kilala n’yo naman si Kris, magaling talaga ‘yan mambuking, di ba?
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.