Matabang basher ni Luis tinawag na salot sa lipunan

FIRST time naming naramdaman ang pagkapikon ng ampon naming si Luis Manzano nang patulan nito ang isang basher sa social media na diumano’y isang teacher.

Well, siyempre kampi kay Luis na kilala naming palabiro at kung puwede lang na daanin ang lahat sa pagpapatawa ay ginawa na niya.

Pero dahil tao lang din siya na may limitasyon at hangganan din, napuno na ang guwapo at magaling na aktor-TV host sa pambu-bully sa kanya ng gurong netizen.

Hindi namin masisisi si Luis at gusto namin siyang unawain. Saludo pa nga kami sa mga una niyang ginawang pagsagot sa naturang hater, pero yung mga sumunod na pinagsasasabi niya ay talagang ikinaloka mamin.

Ha-hahaha! Parang gusto namin siyang puntahan para sabihan ng, “Anak, tama na! Tama na please!” Ha-hahaha!

Well, paminsan-minsan lang namang ginagawa yun ng aming ampon na sobra na sigurong nasaktan kaya’t pumatol na.

For sure, may konti rin siguro siyang pagsisisi matapos na ma-realize na pinasikat lang niya ang basher na yun na maituturing ngang basura kung hindi man salot ng lipunan. Ha-hahahaha!